విచ్చుకున్న వెన్నెలా...

విచ్చుకున్న వెన్నెలా... వినవే నా మాటని...
చల్ల గాలి గంధం... చెంత చేరి పరువం...
ముంచే తగువా... చెబితే వినవా...
వెన్నెలా... వెన్నెలా... విచ్చుకున్న వెన్నెలా...
పై పై పంతం... పిలిచే నీ మది ఆశ విన్నానులే...
లో లో దాగిన... కలవరమైన నా పేరు నీ గుండెలో...
వెల్లువైన వెన్నెలా... వేదికైన వెన్నెలా...
సన్నజాజి పువ్వులా... విచ్చుకున్న వెన్నెలా...

చెలి నీ వైపేనా...

ఏ వైపో.. ఏమో.. ఏ చోటో.. ఏమో..
నా శ్వాస సాగే ఆ సరిహద్దే లేని...
పదముల పయనం పరువం...
స్వరముల సరిగమ సంగమం...
చెలి నీ వైపేనా.. సుడిగాలై రానా...
ఇది నీ పాటేనా..జడివానై రానా...

నీ చెంత...

నీ చెంత చేరగా చామంతి పూవులు...
నీ శ్వాస సోకగా సన్నజాజి నవ్వులు...
చేరుకున్నా చెప్పలేని చిన్న చిన్న మాటలు..
చెంత లేక చిన్నబోయే నా మనసు ఊసులు...
వేడుకైన వేళలోన జల్లు కురిసే మల్లెలు...
ఊపిరంత ఆగిపోయే తీయనైన ఊహలు...

వెళుతున్నా...

వెచ్చని కన్నీరే వెలిసిన ఈ వాన..
వేదన ఇది కాదా  ఓడిన నా  ప్రేమ...
ఈ చోటే ఈ కధని తరాల తరగని చరిత్ర ఒడిలో దాచి సాగిపోతున్నా...
ఈ కధలో నీ మదిలో దొరకని నా పేరు వీడి  వెళుతున్నా...
నువ్వే ...నీ నవ్వే నాలో... ప్రాణం నింపే శాశ్వత స్వాగతమని తెలిసీ....

అడుగు..

తలపుల నదిలో తపనల నావని తరిమిన మదినడుగు...
స్వరముల గదిలో విరిసిన పదముల వెల్లువ జతినడుగు...
తలగడ మదిలో కురిసిన వెన్నెల కన్నుల జ్ఞాపకమడుగు...

నిన్నే తలచిన వ్యధలో నలిగిన ప్రాణం వేదన పలికే పాటకి పల్లవి కోసం...
అల్లిన ఈ మల్లెల మాల నీ మది చేరే చల్లని వేళ....
అడుగు... నీ కోసం వేచి ఉన్నానా అని... అడుగు...

ఎంతిష్టం

నేనంటే ఎంతిష్టం అని నేను నిన్ను అడిగినప్పుడల్లా నా గుండెలో మోగే తీయని  అలజడి...
ఎలా చూపను...
అదుగో చూడు ఆ వినీలాకాశం పరుచుకున్న చోటంత ఇష్టం...
ఇలా చూడు ఈ వెన్నెల పూలు రాలే రేయంత ఇష్టం...
గల గల మని పరవళ్ళు తోక్కే సెలయేరు చేసే సవ్వడంత ఇష్టం...
మంచు మీటిన సన్నజాజి పువ్వులంత ఇష్టం...
వాన ముద్దుల వేడి ఊపిరి తాకుతుంటే పరవశించే వసుధ  కన్నుల వలపంత  ఇష్టం...
అని నువ్వు చెప్పాలని... అది నేను వినాలని...
ఎగసి పడే నా ప్రతి అడుగుని ఆపాలనే నా ప్రయత్నంలో ఎప్పుడూ నేను ఓడిపోయి..
నిన్నే తలచి తలచి నీ ముందు నిలిచి వేచి ఉన్న నా అల్లరి మనసుని నీకు ఎలా చూపను...
ఎలా చూపను...

మరువకు నేస్తమా...

సప్త సంద్రాల సాధనలో... స్వప్న సౌధాల ఊహాలలో...

వినీలాకాశ వేదికపై... ప్రతి క్షణం నర్తించే నా నేస్తమా...

మరువకు ఈ మరు మల్లెని...

నీకై స్వరపరిచిన  సిరి మువ్వని...