చిన్ని సిరిమువ్వలు

• ఒక మనిషిని బలవంతపెట్టి లేదా వారి బలహీనతను అడ్డుగా పెట్టి చేయించిన పని యొక్క ఫలితం ఎప్పుడూ సరిగా ఉండదు. 
• అడిగితే లోకువ అయిపోతాను అనే ఒకే ఒక్క విషయం మనిషిని గమ్యం చేరే మార్గానికి ఆలస్యం చేస్తూ ఉంటుంది. 
• ప్రతి బుద్ధికి తెలిసే ప్రపంచం ఆయా బుద్ధి యొక్క దృష్టికోణమే. 
• మనిషి మాట్లాడే చాలా మాటలు తను వినేటపుడు కానీ, చదివేటపుడు కానీ ఇష్టపడడు. 
• చేరుకున్న గమ్యం కన్నా చేరడానికి వచ్చిన దారి ముఖ్యం, చేసిన పని కన్నా దాని వెనుక దాగి ఉన్న ఉద్దేశం ముఖ్యం, వేయి వేల మాటల కన్నా సరైన సమయంలో మౌనం ముఖ్యం. 
• మెప్పును తేనె లాగ తాగే మనిషి తన ప్రజ్ఞపై ప్రశ్నకి చెదిరిపోయి చిన్నబోతాడు, తనంతవాఁడు లేడు అంటే ఉప్పొంగిపోయే మనిషి "నువ్వు ఎవరు" అని అడిగితే ఉక్కిరి బిక్కిరి అవుతాడు.