మరణించే నిమిషమై

మదిలో ఎగిసే ఉద్వేగాలకు వయసే పెరుగుతున్నా
ఉద్వేగాలను దాచే మదికి వయసే తరుగుతున్నా
కాలానికి బంధీనై మౌనానికి రూపాన్నై
వినువీధిలో ఎగరలేక విశాల విహంగమై తిరుగలేక విలపించా
వివర్ణమైన వర్ణమై వినిపించని శబ్దమై విసిగిపోయా
వదలలేను నిలువలేను
మరణించే నిమిషమై సంతోషం రావాలని
వేల కొద్దీ నిమిషాల నిరీక్షణై శ్వాసించే నా గుండె కోత తుడిచే స్నేహమేది
ఒంటరిగా పుట్టాను ఒంటరినై పోయాను జ్ఞాపకాల తోడుగా వెళ్ళిపోతాను