అలిసి సొలిసి

వేదన వాకిట విచ్చిన పూలని వాసన దాచుకోగలవా....
మండిన వేసవి మల్లెల మొగ్గలు పూయక రాలిపోగలవా....
నిదురకు వెన్నెల దారులు చూపితే కనులను మరిచిపోగలదా....
నువ్వని నేనని భేదం చూపితే హృదయం ఆపుగోగలనా....
మళ్ళీ పిలిచినా పలుకవు కనుక మౌనంలో మనగలనా....
విచ్చిన పూల వాసన పరిచి.... మల్లెల మొగ్గల దారులు పోసి....
వెన్నెల రేయి కన్నులు తెరచి.... నువ్వే నాకు హృదయమని....
పిలిచి.... పిలిచి.... అలిసి.... సొలిసి..... మౌనంగా... వేచి వేదనైపోతున్నా.....